कविराज घिमिरेआमा
प्राण धान्ने जगत् माताको आसिक अपूर्व पाएमा सृजना हाम्रा सुरम्म्य हुन्छन् दिल आमाको छाएमा ।।
कविराज घिमिरे :
(“कुन मन्दिरमा जान्छौ यात्री”को लयमा मिल्ने )
निश्छल पार्छिन् मन मन्दिरझैँ
आमा शान्ति सबैकी हुन्
राख रिझाई भलो चिताई
आमा दिव्य जगत्कै छिन् ।।१
निश्छल …..
सुभाव छर्छिन् विभेद फ्याँकी
आमा जगत्की स्वामिनी
छैन अरूझैँ घमण्ड मनमा
प्रेमकी खानी मालिनी ।।२
निश्छल……
पुकार गर्छौँ त्रिकाल हामी
आमाको गुण को जान्दछ ?
बुझेर बुझ्नै सकिन्न आमा
मायाले उनको तान्दछ ।।३
निश्छल……
जङ्गल खेतमा नदी तट ती
पसिनाले बग्छन् हरदम
पाल्छिन् आफ्ना छोराछोरी
नाच्तै खुसी हुँदै छमछम ।।४
निश्छल……
प्राण धान्ने जगत् माताको
आसिक अपूर्व पाएमा
सृजना हाम्रा सुरम्म्य हुन्छन्
दिल आमाको छाएमा ।।५
निश्छल……
०००
भक्तपुर
Subscribe
Login
0 Comments
Oldest
