कविराज घिमिरेवृद्धका सकसको …
अर्थ सङ्कलन ता हुनसक्छ वृद्ध सेवक कहाँ हुन मिल्छ ? यो त भाग्य पनि हो सहकाल वृद्धका सकसको गर ख्याल ।।
कविराज घिमिरे :
मात्र दौलतविषे किन ध्यान ?
दूर जान कसियौ सुत जान
बन्नुपर्छ दृढले घरवाल
वृद्धका सकसको गर ख्याल ।। १
आसमा रुमलिने कति हुन्छन् ?
वेदना जकडिने कति हुन्छन् ?
खोल्नुपर्छ तिनको खुद भाल
वृद्धका सकसको गर ख्याल ।। २
रोगले त थलिए अब सोग
पार्नुहुन्न कहिल्यै गर जोग
खानुपर्छ मसिनो हरकाल
वृद्धका सकसको गर ख्याल ।। ३
तापशीत दुइटै ठिक हुन्न
हेरचाह नगरे मन खिन्न
हुन्छ वृद्धजनको बुझ हाल
वृद्धका सकसको गर ख्याल ।। ४
दुःखकष्ट नगनौँ बल तेज
छैन गाथविचमा चलखेल
घोचपेच नगरीकन पाल
वृद्धका सकसको गर ख्याल ।। ५
अर्थ सङ्कलन ता हुनसक्छ
वृद्ध सेवक कहाँ हुन मिल्छ ?
यो त भाग्य पनि हो सहकाल
वृद्धका सकसको गर ख्याल ।। ६
०००
भक्तपुर
Subscribe
Login
0 Comments
Oldest
