दीनानाथ पाेखरेलज्येष्ठहरू अति कष्ट सहन्छन्
मन्दिर हुन् वय ज्येष्ठ अपार सत्य यही छ ठुलो बुझ सार बालक वृद्ध तिनै पछि बन्छन् ज्येष्ठहरू अति कष्ट सहन्छन् ||
उमा दाहाल :
ज्येष्ठहरू अति कष्ट सहन्छन्
दुख्छ घुँडा अति कष्ट बनेर
पोल्छ शरीर सदैव गलेर
आँसु सधैँ दिनरात बहन्छन्
ज्येष्ठहरू अति कष्ट सहन्छन्||१||
दूर भए सब गाउँ र बस्ती
मित्र सँगै न छ प्रेम र दोस्ती
बुझ्छ उही जब साथ रहन्छन्
ज्येष्ठहरू अति कष्ट सहन्छन्|२||
बालक झैँ छ यहाँ सब सोच
खोज्छ सदा भर आड र पोष
नेत्र जलेर यहाँ नीद भाग्छन्
ज्येष्ठहरू अति कष्ट सहन्छन्||३||
तागत न्यून शरीर छ कम्प
लाग्छ न मिष्ट कुनै परिकार
भोग्दछु कष्ट हरेस चुलिन्छन्
ज्येष्ठहरू अति कष्ट सहन्छन्||४||
मन्दिर हुन् वय ज्येष्ठ अपार
सत्य यही छ ठुलो बुझ सार
बालक वृद्ध तिनै पछि बन्छन्
ज्येष्ठहरू अति कष्ट सहन्छन्||५||
०००
शान्ति नगर
२०८३|२|२७
Subscribe
Login
0 Comments
Oldest
