नेपाली हास्यव्यङ्ग्य अनलाइन पत्रिका

(दिवङ्गत सत्यमोहन जोशीको जीवनप्रसङ्गमा आधारित)

“तपाईंको छुटले मेरो इज्जत लुट्यो । यसको हर्जाना कसैले भर्छ ?” महाप्रबन्धकले सत्यमोहनको निश्चल मनस्थिति हल्लाउन खोजे ।

“तपाईंले के काम गर्नुभएन र ?” सत्यमोहनको प्रश्नले महाप्रबन्धक रातापिरा भए ।

“मलाई थाहा छ; तपाईं गर्ने काममा रिपु हुनुहुन्छ । सरकारले पनि यही अपेक्षा राखेको हुनुपर्छ । कुरा यहाँ ‘तर’ को छ…!” सत्यमोहनले कुरा टुंगोमा पुर्‍याउन नपाउँदै महाप्रबन्धक फन्केर ओझेल परिसकेका थिए ।

नेपथ्य बोली सुनिँदै थियोे; “नेप्रप्रको सदस्य सचिव बन्दैमा महाराज नै बनेको धम्की दिने ! तिम्रो गाईजात्रा बन्द नगराई मुखमा पानी पनि हाल्दिनँ ।”

त्यसको एक घण्टामै दरबारबाट पत्र आयो- व्यापक जनगुनासो आएको कारण गाईजात्रा महोत्सव नामक चित्त दुखाउने कार्यक्रम सदाको लागि बन्द गरेको ब्यहोरा हामीकहाँ पेस गर्नू !

सत्यमोहनले पनि तात्तातै जवाफ खामबन्दी गरेर पठाए । त्यसपछि अद्यापि बेरोकटोक गाईजात्रा महोत्सव चलिरहेछ ।

खामबन्दीमा जवाफ थियोे- व्यापक जनसमर्थन भएको कारण गाईजात्रा नामक सत्यजात्रा कार्यक्रम निरन्तर चल्ने हुँदा नजर लगाइबक्सन मौसुफ सवारी होइबक्सने प्रतिक्षामा छौं ।

०००
२०७९-०७-०१ बेलका-२, सिद्धार्थटोल, उदयपुर ।
हाल- सिर्जनाकुटी, सिरहा ।