नेपाली हास्यव्यङ्ग्य अनलाइन पत्रिका

बनेछ मान्छे गफको भकारी ।
बनेन उम्दा मनको विचारी ।।
बनेछ मान्छे चतुरो सिकारी ।
मिलेछ भत्ता निमुखा निचोरी ।।-१

रमेछ मान्छे समता बिगारी ।
बने यहाँका जनता भिखारी ।।
भए यहाँका अगुवा अघोरी ।
दिऊन् निया दण्ड उनै मुरारी ।।-२

दयालु हुन्छन् वनिता कुमारी ।
विषालु मान्छे खुब छन् जलारी ।।
गरे उँचो बात बने हिलारी।
मिलेछ सत्ता जनता पुछारी ।।-३

सिपालु हुन्छन् घरका पियारी ।
नशालु बन्छन् पदका भिखारी ।।
मिलेन सत्ता अनि जान्छ पारि ।
चल्यो मजाको झगडा जुहारी ।।-४

चुनावमा उठ्छ ल धुन्धुकारी ।
हुँदैछ दङ्गा रमिता छ भारी ।।
लिए रमाएर मिठो सुपारी ।
बने विदेशी प्रभुको पुजारी ।।-५

०००
२०७९/०७/०१
वि.न.पा.-४, बट्टार, नुवाकोट
बालाजु, काठमाडौं
मोबाइल नं. ९८४१७५८१८४