नेपाली हास्यव्यङ्ग्य अनलाइन पत्रिका

कृष्ण शर्मा सुमु :

पुच्छर लुकाएर हिँड्नु भनेको डराउनु कदापि होइन । पुच्छर उसले लुकाउँछ जसको पुच्छर हुन्छ । पुच्छर नहुने भनेको त लिडे हो । जसको छ उसले लुकाउँछ जसको छैन ऊ चुपचाप हिँडेको बेस ।

गाईको पुच्छर समातेर गरूड पुराणको वैतरनी नदी तर्नु सजिलो छैन ।
पुच्छर हुनु भनेको गर्वको कुरा हो । पुच्छर हुँदै नहुनू भनेको एउटा नाक बुच्चे भएको नाक जस्तै हो । जसकोमा छ उसले पुच्छर राख्छ जसमा छैन उसले पुच्छर नराखेको ठिक ।

मानव सभ्यतामा जब विकाशको खुड्किला तर्दै थिए नि तब मान्छेको पनि पुच्छर थियो रे … हाम्रो डार्विन सरका विकासवादीको सिद्धान्तले भन्छ । तब कसरी पुच्छर हरायो त ? जब कुनै अंगको प्रयोग हुँदैन तब बिस्तारै त्यो अंग शरीरबाट विलुप्त हुन्छ भनेर पनि हाम्रो सरले भनी सक्नु भएको छ ।

तब आज सभ्यताको यस्तो चरम युगमा पनि हामी कति दिन अरूको इसारामा पुच्छर भएर हिँड्नु । हामी कहिले मालिक भएर पुच्छर हलाउनु…. कति दिन हाम्रो आफ्नै गाउँमा आफ्नै ठाउँमा दासत्व स्वीकार्नु । हामी कहिलेसम्म खाडी र माडीमा बस्नु । हामी कहिले सिङ्गो शरीर भएर रोजगार सृजना गर्ने….

पुच्छर समाउने समय कदापि थिएन । पुच्छर समातेर हाम्रो भाव सागर पार लाग्दैन । दन्त कथा कदापि थिएन हाम्रो मुद्दा ।

पुच्छरेहरूको फेरामा परेर कतै हामी पनि पुच्छर त भएको छैनौं ।

०००
सिलिगुडी, भारत