नेपाली हास्यव्यङ्ग्य अनलाइन पत्रिका

सुरेशकुमार पाण्डे :

हामी यो देशको रक्षक हौं ! देशको रक्षा गर्ने जिम्मा आदरणीय जनताले हामीलाई दिएका छन् ।- मन्त्री डामाडोलले संसदलाई स म्बाेधन गर्दै भने ।अधिकांशले टररर ताली पिटेर समर्थन जनाए ।

सर इजराइलमा हाम्रा युवाहरू कयौँ मारिएका छन् कयौँको ज्यान् जोखिममा परेको छ ।- एकजना सांसदले सवाल उठाए ।

थाहा छ मरेकाहरूलाई दश दश लाख सहयोग गर्ने र जीवितहरूलाई उद्धार गर्ने निर्णय हाम्रो मन्त्री मण्डलले गरिसकेको छ।- मन्त्रीले बैठकको विवरण बताउँदै भने ।

“सर ! विदेशीले गरेको अतिक्रमणबाट देश जोगाउँने उपाय गर्नुपर्यो । विदेश जानै नपर्ने तत्काल कुनै योजना सरकारले बनाउँनुपर्यो।- चिन्तनले उठेर सुझाव दियो।

युवाहरूलाई हामीले पठाएका होइनौँ नि उनीहरू उच्च अध्ययन गर्न आफैं गएका हुन् । विदेशीले गरेको अतिक्रमणको बारेमा हामीलाई जानकारी नै छैन ।- मन्त्रीले सबैतिर हेर्दै भने।
फेरि सदनमा टररर ताली बज्यो।

यो सदन त साँच्चिकै गफ गर्ने थलो नै रहेछ।- चिन्तनले सुस्तरी भन्यो।’

०००
दाङ घोराही १८,
२५ असाेज २०२८०