नेपाली हास्यव्यङ्ग्य अनलाइन पत्रिका

कृष्णदेव रिमाल :

महादेव शम्भो हे पशुपतिनाथ !!
मेची काली डुलेर खोजेँ तिम्रो साथ ।।१

शम्भु पुगे सिड्नी गौरी साथै लिएर
आमा रुन्छिन्न् धर्धरी मुख छोपेर ।२

बाबु पनि कोक्किए छाँद हालेर
हाम्रो लाश कल्ले लाला काँध हालेर ?? ३ ।।

छेक न पहाड पर्वत छेक तराई
छोराछोरी भाग्दैछन् बन्दै पराई ।।४

गणेश गए जापान लगे रिद्धिसिद्धि
दु:ख गर्दै कमाको भयो विनासित्ति।।५

विष्णु पुगे ब्रिटेनमा लक्ष्मी लिएर
भोक लाग्दा बसौं अब मुख सिएर ।।६

जननी र यो भूमि स्वर्गभन्दा ठुलो
भन्न छाडे रामले देशै पर्‍यो दुलो ।।७

कृष्ण काले नक्कले ग्वाला बनेन
यशोदा र नन्दनलाई साथ दिएन ।८

मान्छे खाँचो भो हामो माटो बाँझो भो
पल्टाइदिउँ कि सत्ता यो हाम्लाई भाँजो भो ।९।

सिड्नीका शम्भु गौरी फर्की आऊ न
सुन फल्ने देश त्यागी अन्त नजाऊ न ।।१०

एकदन्ते फर्क हे रिद्धिसिद्धि फर्क
स्वदेशमा फर्क प्यारा रोयो तिम्रो खर्क ।।११

हाम्रा विष्णु लक्ष्मी हे सह बोकी आऊ
सगरमाथा सम्झिएर एउटा गीत गाऊ ।।१२ ।

तिर्सनाको शहर त्यागी यही काखमा आऊ
बासी बर्गर बिर्सिदेऊ ढिंडो रोटी खाऊ ।।१३

दशैंमा नि आएनौ मालश्री नि गाएनौ ।
तिहार भो उराठ भैलो खेलेनौ ।।१४ ।।

छोराछोरी नेपालमै फर्की आऊ न ।
फेरि पनि देशभर तिमी छाऊ न ।१५ ।।

०००
नुवाकाेट, हाल काठमाडाैं