पुङमाङे
“हामीले वार्ता गर्नुको तुक के त ? भाउ नघटाउने भए, मन्त्रीपद खालिगर्नुस् ।” आन्दोलनकारी वार्ता टोलीले अझैँ अडान लियो ।
डा. कुसुमाकर शर्मा गौतम :
“कि तेलमा बढेको मूल्य सरकारले फिर्ता लेओस् कि सत्ता छोडोस ।” आन्दोलनकारी र सरकार वार्तामा बसेका आन्दोलनकारी तर्फका वार्ताटोलीका नेता जङ्गिए ।
सरकारी मन्त्री चुपचाप सुन्दै थिए । त्यतिनै खेर चिया आयो ।
“चिया पनि खाँदै, कुरा गरौँ कि ?” मन्त्रीले आफ्नो कप उठाउँदै प्रस्ताव गरे ।
“छ्या ! कस्तो चिया ? चिनी पनि लाग्या छैन ।” मुख बिगार्दै आन्दोलनकारी टोलीले एकै स्वरमा भन्यो ।
मुखमण्लमा कुटिल मुस्कान ल्याउँदै मन्त्रीले भने, “चिनीको मूल्य संसारभरि बढ्दा यहाँ पनि बढ्यो । आन्दोलन भएपछि घटायौँ । अहिले चिनी नै छैन बजारमा । दुःख मानीमानी चिनी कम भएको चिया खुवाउनु पर्यो ।”
“चिनी र पेट्रोलको के सम्बन्ध ?” वार्ता टोलीका सदस्य कराए ।
मन्त्री सौम्य भएर बोले, “आफ्नै देशमा उत्पादन भएको चिनीको भाउ घटाउँदा त पाउनै छोड्यो । पेट्रोल त झन् विदेशबाट आउने हो । पेट्रोलको मूल्य संसारभरि बढेको छ । जे मूल्यमा आँउछ, त्यही अनुसारको मूल्यमा बेच्ने हो । कसरी भाउ घटाउनु ?”
“हामीले वार्ता गर्नुको तुक के त ? भाउ नघटाउने भए, मन्त्रीपद खालिगर्नुस् ।” आन्दोलनकारी वार्ता टोलीले अझैँ अडान लियो ।
कुरालाई घुमाउदै मन्त्रीले फर्माए, “यहाँहरूलाई थाहै छ पुङमाङमा कुनै पनि वस्तु माथिबाट जसरी पस्छ तलबाट त्यसरी नै निस्किन्छ । पेट्रोलको मामलामा तपाईं हामी सबै नेपाली पूङमाङे हौँ भन्ने थाहा हुँदा हुँदै किन राजीनामा दिनु ?”
०००
क्यानडा