नेपाली हास्यव्यङ्ग्य अनलाइन पत्रिका

श्रीधर लामिछाने :

सेता कपाल सेता दाँत कस्तो मिल्यो बेला
आँखा पनि कमजोर हुने कान भयो ढिला
कानले त रमाइलो हुन्छ भन्छन मान्छे
एउटा कुरा भन्छन् अनि अर्कै सुन्छ कानले ।

चिया खानु भयो भन्छन् अँ आए हुन्छ
जिस्क्याएको देखेपछि तिनको मन रुन्छ
छिटो गर्छु भन्दा खेरि गोडा लटपटिन्छ
नसुनेरै मेरो मन धेरै पटक रुन्छ ।

मेरो विवश देख्दाखेरी कोहि हाँसी बस्छन्
काम गर्न नजानेमा सबै खिसी गर्छन्
बुझेनौ है बाबु नानी कुरा बुझ पैले
उमेर जाँदै गर्दा खेरि सबै लुला ऐले ।

मेरो कुरा बुझ्न पर्छ सुन सुन नानी
बुझी कुरा गरे पछी गर्ने छैन हानि
प्रकृतिको प्रेमभित्र हाम्रो जीवन रह्यो
राम्रो गर्छु भनेर नै जीवन पुरा भयो ।

०००
काठमाडौं, हाल अमेरिका