नेपाली हास्यव्यङ्ग्य अनलाइन पत्रिका

गोपाल काफ्ले :

१.
जिन्दगीले जीवनभर लिइरहन्छ परीक्षा
कुरो बुझेपछि पुनः पुनः दिइरहने इच्छा
व्यवहारशास्त्रमा पारङ्गत भएपछि
पढिरहनु पर्दैन तपाईंले बुर्जुवा शिक्षा !!

२.
शहरले गाउँलाई सम्झन्छ गाउँले शहर
अमृत जति गाउँमा शहरमा खालि जहर
तैपनि शहरी मोह, गाउँ छोड्ने होड उस्तै
खै कस्तो अचम्मको छ मनुष्यको रहर !!

३.
केटो मिहिनेती हो विचरालाई बिगारेको पैसाले हो
केटी नि ठिकै थिई विचरालाई बिगारेको वैँसले हो
धनको पछि लाग्दालाग्दै बेहाल भयो तिनको आज
दुवै ठिकठाक थिए; दुवैलाई बिगारेको ऐसाले हो !!

४.
देश बिग्रियो अब देश म बनाउँछु भन्छन् युवा जमात
अशिक्षाले जनता बिग्रे म मनाउँछु भन्छन् युवा जमात
सबै मिली देश बनाउने आँट गर्ने नौजवान नै
देशले रगत मागे म खन्याउँछु भन्छन् युवा जमात !!

०००
हेटौंडा