तीन ठोक्तक
हाम्रा पनि हुन्छन् नि रहर जिन्दगी बन्दै छ एक्लो घर मानवता हराएको बस्तीझैँ देख्दा चाहिँ बाक्लो शहर !!
गोपाल काफ्ले :
१.
छैसट्ठी (६६)को आँकडा छ उसको बाहरवालीसँग
तेत्तिस (३३)को आँकडा छ उसको छिमेकी सालीसँग
त्रिसट्ठी (६३)को आँकडाको पछि लाग्दा – लाग्दै
छत्तिस (३६)को आँकडा भो उसको घरवालीसँग !
२.
हाम्रा पनि हुन्छन् नि रहर
जिन्दगी बन्दै छ एक्लो घर
मानवता हराएको बस्तीझैँ
देख्दा चाहिँ बाक्लो शहर !!
३.
भोजनले भोक कुरिरहेको छ यहाँ
औषधीले रोग कुरिरहेको छ यहाँ
देशले समृद्धिको प्रतीक्षा गर्दै छ …
दुःखीले शोक कुरिरहेको छ यहाँ !
०००
सिन्धुली, हाल हेटौंडा