नेपाली हास्यव्यङ्ग्य अनलाइन पत्रिका

गोपाल काफ्ले :

१.
गाईले बाँ नगरीकन बहर दौडेर जाँदैन !
बाख्राको म्याँ नसुनीकन बोको दौडेर जाँदैन !!
अपवादमा राखे एकाध नरपिशाचलाई
महिलाले आँ नभनीकन पुरुष दौडेर जाँदैन !!!

२.
श्रीमतीले भान्सामा काम गर्दा गुरु सघाउनुहुन्छ रे !
छोराछोरीले मिठो मानेर खाएको देख्दा गुरु अघाउनुहुन्छ रे !!
घरको काम सघाउँदा जोइटिङ्ग्रे पोइटिङ्ग्रे भन्नेलाई
समवेदना दिँदै गोहीको आँसु गुरु बगाउनुहुन्छ रे !!!

३.
तिमीले ज्ञानको आगो जलाऊ आगोले तिमीलाई नजलाओस् ।
तिमीभित्र विवेकको चेत फलोस्; अविवेकले तिमीलाई नगलाओस् ।
अरुको बुद्धिले राजा हुनुभन्दा आफ्नै बुद्धिले जोगी हुनु बेस
तिमी प्रविधि चलाऊ तिमीलाई प्रविधिले नचलाओस् !

०००
हेटौंडा, हाल भरतपुर, चितवन