नेपाली हास्यव्यङ्ग्य अनलाइन पत्रिका

अमर सन्तति :

१.
अरुलाई दु:ख पीडा दिन खोज्छन् पापीहरू
केही छ कि भनी लास पनि घोच्छन् पापीहरू
पछिको दिन सोच्दैनन् ती हेर्छन् अघि मात्रै ,
आफूलाई सधैँ अजर अमर सोच्छन् पापीहरू ।

२.
मान्छेले मान्छे भई जिउँन सिके कस्तो हुन्थ्यो होला
अरुको नि दु:ख सिउँन सिके कस्तो हुन्थ्यो होला
जसलाई पनि पर्न सक्छ आपत विपतहरु यहाँ ,
सँगसँगै पीडा पिउँन सिके कस्तो हुन्थ्यो होला ।

३.
बिपत्तिमा पनि कोही मान्छेले लासभन्दा ग्यास देख्छ
मान्छेको सासभन्दा उसको गहना र क्यास देख्छ
विवेक शून्य भएकोछ मान्छे हराएको छ मानवता नै
पीडितको उद्धारभन्दा आफ्नो पापी भोक र प्यास देख्छ ।

०००
भक्तपुर