नेपाली हास्यव्यङ्ग्य अनलाइन पत्रिका

अमर सन्तति :

१.
सजिलो छैन जिउन नि मन टुटेपछि
साथ दिनेको आफ्नो पन छुटेपछि
एकोहोरो घन बजारिरहन्छ मान्छे ,
प्राण धान्ने प्यारो मुटु झन फुटेपछि ।

२.
बिट पनि छ खुकुरीमा कहाँ छ र धार मात्रै
चोट पनि छ अचानोमा कहाँ छ र प्रहार मात्रै
कति साह्रो अतालिन्छस् किन हे अमर सन्तति ,
जित पनि छ जिन्दगीमा कहाँ छ र हार मात्रै ?

३.
सम्बन्ध सपार्ने र बिगार्ने ठूलो हतियार शब्द नै हो
नजिक सार्ने र टाढा पार्ने ठूलो हतियार शब्द नै हो
शब्दका अगाडि जुनसुकै हतियार पनि भुत्ते भइदिन्छन्,
मान्छेको मन जित्ने र मार्ने ठूलो हतियार शब्द नै हो ।

०००
भक्तपुर