नेपाली हास्यव्यङ्ग्य अनलाइन पत्रिका

अमर सन्तति :

१.
नरुवा न ए जिन्दगी मलाई पनि हाँस्न मन छ
विभेदका तीखा काँडा जरैदेखि माँस्न मन छ
मिल्काएर सारा दानवता फिँजाएर मानवता,
समानताको साझा डोरी चारैतिर गाँस्न मन छ ।

२.
तात्तिएको छ यो धरती नै शीतल पल हुँदैन किन ?
धुम्मिएर बस्छ माथि नै केवल बादल रुँदैन किन ?
अन्नदाता कृषकलाई सास्ती र पीर छ सधैँ यहाँ,
बगेकोछ खोला कलकल सिँचाई जल पुग्दैन किन ?

३.
कति घाती छ मान्छे विश्वास गर्ने जमाना रहेन
कति खुराफाती छ मान्छे विश्वास गर्ने जमाना रहेन
आँखा चिम्लेर भरोसा नगर्नू महोदय कहिल्यै पनि,
कति नजाती छ मान्छे विश्वास गर्ने जमाना रहेन ।

०००
भक्तपुर