नेपाली हास्यव्यङ्ग्य अनलाइन पत्रिका

अमर सन्तति :

१.
कति झोक्राई बसेको जागे हुन्छ नि
पद पनि त अलि ठूलै मागे हुन्छ नि
किन कुरी बस्नुहुन्छ थोत्रो पार्टीमा ,
हजुर पनि त नयाँतिर लागे हुन्छ नि ।

२.
कति भनूँ सत्य कुरा कति कहूँ सवाई
के देखाऊँ प्रमाण र कहाँ खोजूँ गवाई
घोचिरहन्छौ बचनले गरी सधैँअविश्वास,
थुनूँ कि कान मन भाँचिने कोचूँ दवाई ।

३.
भाला खुडा खुकुरीले आर्जिएको देश हाम्रो
दरबार छाप्रा घरधुरीले आर्जिएको देश हाम्रो
बाघको छालामा स्यालको रजाइँ भएको छ,
पूर्वजको बहादुरीले आर्जिएको देश हाम्रो ।

०००
भक्तपुर