नेपाली हास्यव्यङ्ग्य अनलाइन पत्रिका

सरण राई :

गरिब छिमेकीको घरमा मुखिया आउँछ | कुकुर भुक्न थाल्छ |
कुकुर भुकेको देखेर गरिब छिमेकी खुसि हुन्छ | कुकुरले घरको रखवारी गर्न थालेछ |

“अचम्भ ! मेरै घरमा जन्मेको मेरै जुठो भात खाएर हुर्केको कुकुर सधै मलाई देख्दा पुच्छर हल्लाउदै लुट्पुटिने छाउरो, आज मलाई नै भुक्दै छ |”

रिसाएका मुखियाले कस्सेर एक लात्ती बजारे | कुकुर कुइकुई गर्दै पर पछारियो |

“यो कुकुर नपाल्, म अर्को कुकुर दिउँला |” रिसाएका मुखियाले भने |
बिचरा गरिबको के हैसियत ! भने -“हुन्छ |”

कुकुरले के बुझ्यो कुन्नि ; त्यो त मुखियाको नजिक आएर फेरी खुट्टामा लुट्पुटिदै तलुवा चाट्न थाल्छ |
आखिर पाल्तु पाल्तु नै हुन्छ |

०००
भाेजपुर