नेपाली हास्यव्यङ्ग्य अनलाइन पत्रिका

अमर सन्तति :

१.
अनायासै दु:ख दिने केतु राहु छन् यहाँ
मनपरी भाउ गर्ने छाडा साहु छन् यहाँ
जता हेर्‍यो उतै महिषासुरका अवतारझैँ
मूर्ख, दम्भी र अधर्मी बलबाहु छन् यहाँ ।

२.
दौडिन्छ खुट्टा , तक्मा भिर्ने घाँटीझैँ भयो
बलेपछि निभेको सलाईको काँटीझैँ भयो
यो आँखाले प्रत्येक्ष्य देख्यो अनौठो दृश्य,
बीचमा घुस्नेचाहिँ क्रान्तिकारी खाँटीझैँ भयो ।

३.
अझै पनि छाडा साढेझैँ डुक्रिन्छन् यिनीहरु
लाजै पचाई तीन हातै पो उफ्रिन्छन् यिनीहरु
पश्चात्ताप ग्लानि छैन त्यो कालो अनुहारमा,
अब कहिले बुद्धि फिरी सुध्रिन्छन् यिनीहरु ?

०००
भक्तपुर