चट्याङ मास्टरकमाउने कि समाउने ?
बारुद-बन्दुक ल्याउन थाले, छोड्ने हो कि समाउने ? समझदारी खोइ यसमा, कसले कति कमाउने ? त्यत्रो जहाज लगे तिनले फुट्या कौडी नदिइकन ! आऊन् फेरि किन छोड्थ्यौँ पहिल्यै पैसा नलिइकन !
चट्याङ मास्टर :
उहिले ‘गौचरन’ भन्थे, अहिले भंसार भन्दछन्,
उहिले गोरु अघाउने ठाउँ, अहिले मान्छे अघाउँछन् !
चर्ने ठाउँ भयो चोर्ने, दुधालु गाई तस्करी,
समात्नेले कमाउने र छोडाउनेले जोड्ने बस्करी !
भन्सारमा चरेस, सुन, डलर हेर्थ्यो, कमाउँथ्यौँ !
समझदारीअनुसार छोड्थ्यौँ या त समाउँथ्यौं !
बारुद-बन्दुक ल्याउन थाले, छोड्ने हो कि समाउने ?
समझदारी खोइ यसमा, कसले कति कमाउने ?
त्यत्रो जहाज लगे तिनले फुट्या कौडी नदिइकन !
आऊन् फेरि किन छोड्थ्यौँ पहिल्यै पैसा नलिइकन !
०००
बत्तिसपुतली, काठमाडाैं
भव्य ब्यंग्य!!