तिलक लुइटेलभुट भुट्न सके जति
बढाऊ महँगी अज्झ लुट लुट्न सके जति । ढाँटेर जनता सारा भुट भुट्न सके जति ।
भ्रष्टले हाँकेको देश भ्रष्टकै गन्ध आउँछ ।
भ्रष्टले बालेको आगो ताप्न भ्रष्टै रुचाउँछ ।।
मरेको छैन यो देश धुक्धुकी चल्छ सुस्तरी ।
चुस लुट चिथोरेर मासु खाऊ लुछी लुछी ।।
पौरखी पाखुरा तिखो बुद्धि डाँडो कटाउँदै ।
तर्साऊ निमुखा सारा थोत्रो नाङ्लो ठटाउँदै ।।
बढाऊ महँगी अज्झ लुट लुट्न सके जति ।
ढाँटेर जनता सारा भुट भुट्न सके जति ।।
कपन, काठमाडौं
Subscribe
Login
0 Comments
Oldest
