नेपाली हास्यव्यङ्ग्य अनलाइन पत्रिका

तिलकप्रसाद लुइँटेल

मेरो प्रयास राम्रो हो । मैले सानैदेखि सुधार गर्नकै लागि खोजेको थिएँ । आफ्ना साथीहरू छिमकका र स्कुल कलेजका सहपाठीहरू सुधार गर्न खोजेकै हूँ । मेरो सुधारको प्रयास निरन्तर जारी छ ।

मैले सरकारी गैरसरकारी कार्यालय, सेना प्रहरी, उद्योग, व्यापार सबैतिर सुधारकै लागि छ प्रयास गरेको छु । भत्तामा र सत्तामा मैले सुधारको प्रयास गरेँ ।

भत्केको पङ्खा काँधमा राखेर मोटरसाइकलमा पछि बसेका बेला मर्मत गर्ने ठाउँमा नपुग्दै त्यसमा आएका सुधारले फिनिनी घुमेर मोटरसाइकलको गति नै दोब्बर भयो र बाइकले विपरीत दिशामा उडान भरेको सफलता मेरै हो ।

पक्ष प्रतिपक्ष सबैमा मैले त्यसरी सुधारका प्रचुर प्रयास गरेँ ।त्यसैले त मलाई सबै कुरामा अवसर पाएकै नेता आफूलाई मान्छु । तर भाग्यको खेलले आफूलाई सुधार गर्ने अलिकति अवसर भने जीवनभर मलाई कहिल्यै पनि भएन ।

०००
कपन, काठमाडौं ।