नेपाली हास्यव्यङ्ग्य अनलाइन पत्रिका

अमर अधिकारी ‘कीर्तिमानी’:

(घरमा पाहुना लाग्न आएपछि)
पाहुनाः म्याद सकिएको पासपोर्टमा भिसा लगाइदिन्छु भन्ने ठग जोगीको फोटो भित्तामा किन झुण्डाउनु भाको ?
घरवालाः टाँस्दा इज्जत हुन्छ, त्यसैले झुण्ड्याउँदा ठीक होला ठगलाई भनेर नि।
१

(दुई साथी भेट भएपछिको गफ)
रामुः हेर न त्यो विनोदले आफै भनेको कुरा आफैले बिर्सिन्छ भन्या।
राजुः आफै भनेको कुरा आफैले त हो नि बिर्सिने, अरुले हो त ?
२

खाजा पसलमा छिरेपछि
ग्राहकः मम ल्याऊ त भाइ !
पसलेः फुल ल्याउँ कि हाफ ल्याउँ ?
ग्राहकः फूल त नल्याउ ! बिहान एक कार्यक्रममा फूलैफूलको माला लगाएको छु।
३

(बुढाबुढी मात्र घरमा)
बुढीः एकादशी कहिले रहेछ बुढा ? पात्रो हेर्नुस् त !
बुढाः पात्रो किन हेर्नुपर्यो ? दशमीको भोलिपल्ट एकादशी भन्ने थाहा छैन ?
४
(लेखक र सम्पादक भेट भएपछि)
लेखकः यो बुढेसकालमा अझै पनि बच्चाको जस्तो बानी गएको छैन तपाईँमा ?
सम्पादकः बालपत्रिकाको सम्पादक भएपछि सधैँ यस्तै हो।
५

०००
खुंग्री, रोल्पा। हालः बुढानिलकण्ठ, काठमाडौँ।