नेपाली हास्यव्यङ्ग्य अनलाइन पत्रिका

तेजप्रसाद र राम कुमारी अधिकारीका सुपुत्र अमर अधिकारी २०२१ असार २३ जन्मिनुभएको हो । स्नातकोत्तर सम्मको औपचारिक शिक्षा हासिल गर्नुभएका अधिकारीले निजामती सेवाबाट अवकाश लिनुभएको हो । इस्माली माइला, उटपट्याङ माइलाको नामले साहित्य लेख्नुहुने अधिकारी ‘भाग्य र कर्म’ शीर्षकको कथा प्रकाशन गरी नेपाली साहित्यमा प्रवेश गर्नुभएको हो । उहाँ फित्कौलीमा निरन्तर व्यङ्ग्य रचना, खित्कौली रचना प्रविष्ठ गरिरहनु भएको छ । उहाँको पहिलो कृतिको रूपमा ‘इन्द्रेणी’ बालकवितासङ्ग्रह प्रकाशित भएको थियो । उहाँको अन्य प्रकाशित कृतिहरूमा आत्मकथासङ्ग्रह ‘ओगिल्जा’ (२०८०), ‘रापतीका अलग शब्दहरू’ शब्दकोश, (२०८०) रहेका छन् । उहाँ हाल बुढानीलकण्ठ, काठमाडौं बस्नुहुन्छ ।