नेपाली हास्यव्यङ्ग्य अनलाइन पत्रिका

अमर अधिकारी ‘कीर्तिमानी’ :

सत्य नबोल्ने र ढाँट्नेहरुको जमात छ यहाँ
अरुहरुको कुरा काट्नेहरुको जमात छ यहाँ
बाटो बिराएका नेपालका राजनीतिक दलहरु झैँ
जुटेर भोलिपल्ट फाट्नेहरुको जमात छ यहाँ।
१

गुणकारी वस्तुहरू न जान्छौँ न त चिन्छौँ
मीठो छ भन्दैमा खानलाई जे पनि किन्छौँ
जीवनमा के गर्नुपर्छ के गर्न हुँदैन भनेर सम्झाउन
सीमा पारीबाट आउनेसँग ज्ञान संस्कार किन्छौँ।
२

सहरबाट आएपछि तिम्रो गाउँ मन पर्‍यो
तिम्रो चालढाल र हरेक हाउभाउ मन पर्‍यो
त्यति मात्र कहाँ हो र सुकुमारी प्रिय
मलाई आँखा तरेर हेर्ने तिम्रो बाउ मन पर्‍यो।
३

०००
खुंग्री, रोल्पा । हालः बुढानिलकण्ठ, काठमाडौँ।