नेपाली हास्यव्यङ्ग्य अनलाइन पत्रिका

अमर अधिकारी ‘कीर्तिमानी’ :

(प्रज्ञाप्रतिष्ठानको लेखनाथ हलमा दुई स्रष्टा भेट भएपछि)
पहिलो स्रष्टाः उताको हलको कार्यक्रममा लगाएको खादा र रुद्राक्ष माला लगाएर यो हलमा किन पस्नुभाको?

दोस्रो स्रष्टाः यो देखेर यता पनि लगाइदेलान् कि भनेर नि!
१

(मन्दिर छेउँमा दुई भक्त भेट भएपछि)
नारायणः हैन, कति धेरै चन्दन घस्नुहुन्छ त्यो निधारमा ?

हरीः घस्नु परेन त? बाहिरबाहिर धर्म गर्ने घरभित्र पाप गर्ने भएपछि। समाजलाई देखाउनुपर्‍यो नि त- ‘यो मान्छेले धर्म गर्दोरहेछ’ भनेर।
२

(बा घरमा बस्दाबस्दा दिक्क लागेपछि)

बाउः ए छोरा, मलाई पेनड्राइभ बोलाइदे त! भतिजोकोमा जानुपर्‍यो।

छोराः कहाँ पेनड्राइभ भन्नुभाको ? इनड्राइभ भन्नुस् न बा !

बाउः जे भने नि तैँले बुझे त भैगो नि छोरा !
३

(दुई साथीसाथी चौतारीमा गफमा)
बलवीरः किन एउटा मात्र छोरा पाएको ? अरु पाउनुपर्दैन।

वीरबलः तिम्रा तीनवटा छोरा भएर के पाएका छौ र ? एउटा जँड्याहा, अर्को गँजेडी, अर्को खै के, खै के ?
४

०००
खुंग्री, रोल्पा। हालः बुढानिलकण्ठ, काठमाडौँ।