नेपाली हास्यव्यङ्ग्य अनलाइन पत्रिका

अमर अधिकारी ‘कीर्तिमानी’:

(गाउँबाट सहरमा पाहुनाको हुलै आएपछि अर्को दिन बिहान)
दिदीः कस्तो नमीठो गन्धको स्याम्पु राखेकी बहिनी बाथरुममा ?
बहिनीः ला, दिदीले हार्पिकले नुहाउनुभो कि क्या हो? ऊ अलि त्यतातिर थियो नि स्याम्पु त !
१

बाः ए छोरा, कस्तो पर्पराउने मञ्जन राखेको बाथरुममा? अरु त गुलियो गुलियो हन्छ त !
छोराः लौ मार्‍यो, बाले पनि दाह्री काट्दा लगाउने सेभिङ क्रिमले दाँत माझनुभो कि क्या हो ?
२

भतिजीः कत्रो बुरुस हो बाथरुममा? मुखमै नअट्ने, कसरी दाँत माझ्नुहुन्छ आन्टी ?
काकीः त्यो त बाथरुमको कमोड सफा गर्ने ब्रस हो नानी, दाँत माझ्ने हैन त्यसले।
३

नातीः मेरो त भिसा लाग्यो हजुरबा !
बाजेः उता जा ! ह्याँ आफूलाई दिसा लागिसक्यो भिसाको कुरा गर्छ, हिँजो कचरपचर के के खाइयाथ्यो बजारमा।
४

०००
काठमाडाैं