अमर अधिकारीआफै जालमा फस्यौँ
देश जल्यो स्वाभिमान ढल्यो कुकर्म धेरै माग्नलाई जोगी भएर खरानी घस्यौँ । तीनखुट्टे ओदान देश पर्यो एकै घान जानीजानी गल्तीले आफै जालमा फस्यौँ।
अमर अधिकारी :
आमालाई चिथोर्यौँ डस्नुसम्म डस्यौँ
उनलाई सिध्याउन कुना पनि पस्यौ।
जनतामा भ्रम छर्यौँ उल्टै दुःख दिएर
उनैलाई सास्ती दिन कम्मरै कस्यौँ।
लुटन्त्र ठोकतन्त्र जनतामाथि चोटतन्त्र
देश रुँदा चुप लागेर अञ्जान भई बस्यौँ।
पानीमाथि ओभानो बन्ने नौटंकी धेरै
आखिरमा तिमीहरु छाँगाबाट खस्यौ ।
देश जल्यो स्वाभिमान ढल्यो कुकर्म धेरै
माग्नलाई जोगी भएर खरानी घस्यौँ ।
तीनखुट्टे ओदान देश पर्यो एकै घान
जानीजानी गल्तीले आफै जालमा फस्यौँ।
०००
खुंग्री, रोल्पा। हालः बुढानिलकण्ठ, काठमाडौँ।
Subscribe
Login
0 Comments
Oldest
