नेपाली हास्यव्यङ्ग्य अनलाइन पत्रिका

अमर अधिकारी ‘कीर्तिमानी’:

(बहिनी एकदिन दिदीको घरमा पाहुना लाग्न आएपछि)
बहिनीः दाल त राम्ररी पाकेको छैन नि दिदी, धेरै सिठी लाउनुभइन र ?

दिदीः कहाँ मैले हो र सिठी लाउने ? प्रेसर कुकरले पो त बहिनी !
१.

(वधु खोज्न पल्लो गाउँबाट वल्लो गाउँ)
डाँडाखर्केः हामी त तपाईँको छोरीको हात माग्न आयौँ, यही महिनाभित्रे विहे गर्ने सुरमा छौँ हामी।

चौँरीखर्केः हात मात्र किन नि ? पूरै ज्यानै लिएर जानुस् ! चौबिसै घन्टा मोबाइल छोड्दिन छोरीले ह्याँ। हैरान पारेकी छे।

डाँडाखर्केः भो भो त्यसो भए त पर्दैन, हामीलाई त घर व्यवहार सम्हाल्ने बुहारी चाहिएको हो, मोबाइल नछोड्ने त चाहिएन।
२.

(चौतारीमा दुई वृद्ध गफ गर्दै)
नारायणः जे होस् ! यो सरकार सितिमिति ढल्दैन।

विष्णुः सरकारको जरा कहाँसम्म फैलिएको छ भनेर हेरिसक्नु भो र ?
३.

०००
बुढानिलकण्ठ, काठमाडाैं