रामकृष्ण काफ्लेकठै हजुर !
जरा, फेदबाट हैन पलाएछन् टुप्पाबाट बुद्धि सधै जिरा जत्रो पेट जाँतेजाँते हजुर ।
रामकृष्ण काफ्ले :
हिजोका ती ठूलाहरू आज भए खाते हजुर ।
योग्यताले योग्य हैन पदका भोका भाते हजुर ॥
कुर्सी ओगटेर बस्दा छुन कस्ले सक्नु यिनलाई
कुर्सी जाँदा सबै जाने हुने मात्र नाथे हजुर ।
दिन बित्दा बढ्दै जान्छन् सबै सधैं प्रकृतिमा
तर हाम्रा जुनै तन्त्र सधै तातेताते हजुर ।
जरा, फेदबाट हैन पलाएछन् टुप्पाबाट
बुद्धि सधै जिरा जत्रो पेट जाँतेजाँते हजुर ।
दक्षिणा र दान भने चाहेजति दिनुपर्ने
ढोँगी परे पण्डितजी पूजा आतेपाते हजुर ।
०००
रचनाः २०६०।०७।१४
