नेपाली हास्यव्यङ्ग्य अनलाइन पत्रिका

रामकृष्ण काफ्ले :

मन रम्छ कसोगरी देश दुखेको छ ।
पार्न खोज्छु शीर ठाडो फेरि झुकेको छ ।

गल्ती गर्ने अनेक छन् प्रवृत्ति र पात्र
मौका पर्दा पण्डित नै कतै चुकेको छ ।

फल लाग्ने आश गरी गरें गोडमेल
बेकार भो मलजल मुना सुकेको छ ।

श्रीखण्ड र धुपी कपुर जति रोपे पनि
बगैंचाका कुना काप्चा सर्प लुकेको छ ।

बिरानो झै लाग्न थाले आफ्नै थात थलो
पराई झै झम्टी झम्टी साथी भुकेको छ ।

०००
रचनाः २०६१ लक्ष्मी जयन्ति