नेपाली हास्यव्यङ्ग्य अनलाइन पत्रिका

महेन्द्र उपाध्याय अतल :

सिउन भन्दा परबाट, उधारे तँलाई
सायद आफ्‌नाले नै, बिगारे तँलाई

अब तँ पनि आफ्‌नै, मर्जीले लड्नू
निहत्था मैदानमा, उतारे तँलाई

यो जय, यो पराजय, यहीँ छुट्छ अर्जुन
के नै फरक पर्ने हो र ? हारे तँलाई

एउटा कुरा तँलाई, भन्न मन छ साह्रै
केही गरे भन्न सक्दिनँ, प्यारे तँलाई

यी किस्सा तेरा, साथीभाइका हुन्
जहिले अप्ठ्यारोमा, अघि सारे तँलाई

भेटियो भने कोही, तँ भन्दा सिपालु,
गजब बन्नेछस् जान्नेले, निखारे तँलाई ।

०००
दुई (गजलसंग्रह) २०८३ वैशाख