नेपाली हास्यव्यङ्ग्य अनलाइन पत्रिका

मतदान गरेछु यहाँ कसमा ।
मन छैन यहाँ किन खै बसमा ।।
घर देख्छु बुढो सरकार लुलो ।
अब चल्छ बतास थपेर धुलो ।।
१
म त रोप्छु सधैं किन बोट उही ।
नव शासक फेर्दछु कोट उही ।।
मन यो छ निराश र ओठ उही।
कति दान गरे तर चोट उही ।।
२
न हलो छ नयाँ न त सम्म गरा ।
किन बोट सुकाइ सडेछ जरा ।।
म त छान्छु यहाँ जन साथ दिने ।
सपना मनका नव चाख लिने ।।
३
किन शासक चुन्छु यिनै दलका ।
किन भाषण दिन्छ सधैं छलका ।।
कम बोल्छ विनाश गरी सबको ।
पथ भ्रष्ट बने छ यहाँ सबको ।।
४
रिस राग बढाइ सबै जनमा ।
अब राज गरी बस यो मनमा ।।
दल छैन कुनै किन काम दिने ।
जनता सबको अधिकार छिने ।।
५
पटमुर्ख बने म यहाँ किन खै ।
धनमा कति बिक्छ यहाँ चिन है ।।
मतदान सधैं मतभीख सरी ।
किन खान्छ जुठो जन आज डरी ।।
६
बल बाहु जुटे धनमा तकडा ।
अभिमान बचाइ बसेछ खडा ।।
अब गर्दिनँ है मत दान कभै ।
जनता सब मिल्नु छ आज सबै ।।
७

पाटन २ सिलंगा, बैतडी
हाल, पहलमानपुर, कैलाली