नेपाली हास्यव्यङ्ग्य अनलाइन पत्रिका

हेमराज पन्त :

पीडा हजारौं मनमा छ ताजा ।
बन्दै गयो आज विवेक खाजा ।।
जल्दै बसे देख्दिन खै छहारी ।
संकष्टका सामल कष्ट भारी ।।
१

हेप्ने र चेप्ने पथमा हजारौं ।
सौभाग्य आफ्नो मनले सपारौ ।।
आयौं यहाँ रिक्त छ जानु खाली ।
बन्नेछ जो जीवन नै खगाली ।।
२

भोको थियो पेट चिनेर जोते ।
थुन्दा भयो शब्द र भाव तोते ।।
मारेर भोका सरकार आयो ।
कालो निराशा सबतर्फ छायो ।।
३

बोकेर आशा कति वर्ष फाले ।
कारा नचिन्दै कति हर्ष टाले ।।
बुझ्ने सबै सज्जन देख्छु दागी ।
भेटे हजारौं मनमा म नागी ।।
४

यी आँसु पोखे पसिना बगाए ।
झोले नयाँ पो पदवी लगाए ।।
सुन्दा छ आनन्द विवेक झोले ।
मेरा यहाँ कष्ट अनेक खोले ।।
५

आँखा उघारेर समाज हेरे ।
मेरा जुठा दर्शन धेर फेरे ।।
देखे मलाई म समाज बोक्ने ।
पापी दुरात्मा सब देख्छु खोक्ने ।।
६

०००
पाटन २ सिलङ्गा, बैतडी
हाल;-पहलमानपुर, कैलाली