नेपाली हास्यव्यङ्ग्य अनलाइन पत्रिका

काठमाडाैं । कर्मदा सिर्जना मञ्च नेपाल, पाउँदीबजार लमजुङले ६२ औँ प्रविधिमैत्री स्वतन्त्र विधा १०८ औँ राष्ट्रकवि माधव घिमिरे जयन्ती विशेष कविगोष्ठी भव्य किसिमले सम्पन्न गरेको छ ।

संस्थाका अध्यक्ष जगदीश्वर पोखरेलको अध्यक्षता तथा प्रमुख आमन्त्रित प्रा.डा. वरिष्ठ कवि जीवन अधिकारी, विशिष्ट अतिथि डा.बमबहादुर थापा जिताली ज्यूको गरिमामय उपस्थितिमा भव्यरूपमा सम्पन्न भयो ।

लमजुङको प्रवेशद्वारमा रहेको साहित्यिक संस्थाले आयोजना गरेको कविगोष्ठीमा छन्द, स्वच्छन्द, सुसेली, मुक्तक, चारु, लोकछन्दका कविता रोचक ढङ्गबाट कविहरूले प्रस्तुत गरे । राष्ट्रकवि माधव घिमिरेका सिर्जना वाचन गरे । रचना देश भक्ति भावले भरिएका, जनचेतना मूलक तथा सामाजिक विकृति बिरुद्ध प्रहार गरिएका वाचन गरेका थिए ।

यस गरिमामय गोष्ठीमा सिर्जना वाचन गर्ने सर्जकहरू निम्न अनुसार रहेका छन् । १)  जीवन अधिकारी – असारे झ्याउरे – मेरो द्यौता ।
२) बमबहादुर थापा जिताली – मन्दाक्रान्ता – धन्य तिम्रो हियारा । ३) कलानिधि दाहाल – अनुष्टुप् – श्रद्धा सुमनका मुना । ४) देवी पन्थी – लोक छन्द – मान्छेको भीड । ५) पुरुषोत्तम सिग्देल – स्रग्विणी – माधव । ६) गङ्गा लिगल – स्वच्छन्द – आकाङ्क्षा । ७) गणेश आत्रेय – मात्रिकछन्द ललित – पर जा । ८) दुर्गाप्रसाद सिग्देल – मात्रिकछन्द द्विपदी – वयको मेला । ९) जगदीश्वर पोखरेल – स्रग्विणी – राष्ट्रका सर्जक । १०) कृष्णप्रसाद मिश्र – सुधाकलश –प्रियवर जिन्दगी । ११) चूडा निर्भीक – मञ्जुला – समाज । १२) पवनकुमार बुढाथोकी – मुक्तक  । १३) ललिता खरेल – स्वच्छन्द – ए बूढी ।

त्यसैगरी १४) दुर्गाप्रसाद अधिकारी भँमरकोटे – सुसेली – राष्ट्कविको अडियो । १५) हरिखनाल – शुभकामना । १६) घनश्याम पौडेल – स्रग्विणी – राष्ट्रकवि प्रति । १७) खुसीराम डौलिया – स्वच्छन्द – झझल्को । १८) वीरबहादुर लोहनी – सवाई – जन्मदाता मातापिता । १९) जानुका थापा – असारे झ्याउरे – सम्झनामा राष्ट्रकवि । २०) लक्ष्मीप्रसाद मिश्र – सुसेली – राष्ट्रकविलाई सम्झिदा । २१) सुधा बाँस्कोटा ढकाल – ललना – वर्षा । २२) बिनुबाबा घिमिरे – दिक्पाल – आगो निभ्यो चुह्लोमा । २३) भोजराज न्यौपाने – अनुष्टुप् – ज्येष्ठ नागरिकको पीडा । २४) नवराज पौडेल – स्वच्छन्द – अनाम पीडा । २५) सुरेशचन्द्र घिमिरे – असारे झ्याउरे – राष्ट्रकविको सम्झना । २६) रामकृष्ण अधिकारी – शुभकामना र राष्ट्रकविको सिर्जना । २७) युवराज घिमिरे – शुभकामना । २८) चन्द्रावती अधिकारी – शार्दूलविक्रीडित – पुस्तुने । २९) युवराज कोइराला – शुभकामना । ३०) धनराज डौलिया – शुभकामना । ३१) डि. बी. कार्की – शुभकामना । ३२) कल्पना भट्टराईं  – शार्दूलविक्रीडित – श्रद्धाञ्जलि वन्दना।

प्रमुख अमन्त्रित अधिकारीले कर्मदा सिर्जना मञ्च नेपालले छन्दको उन्नयनमा योगदान गरेको छ भन्नु भयो । कर्मदालाई शुभकामना व्यक्तगर्नु भएको थियो । राष्ट्रकविले साहित्यमा गरेको योगदानको चर्चा गर्नु भयो । ऋतम्भरा महाकाव्यबाट केही पद्य वाचन गर्नु भयो ।

वाचित कविताको संक्षिप्त समीक्षा गर्नुभएको थियो । अभ्यासले सिर्जना खारिदै जान्छन् भन्नुभएको थियो । अध्यक्ष जगदीश्वर पोखरेलले गोष्ठीको संयोजन गर्नु भएको थियो ।

संस्थाको अनुरोधलाई स्वीकार गरेर सहभागी भएर कविगोष्ठी सफल बनाई दिनु हुने सम्पूर्ण सर्जकलाई धन्यवाद दिदै समारोह समाप्त भएको घोषणा गर्नु भएको थियो ।

०००
जगदीश्वर पाेखरेलकाे साैजन्यमा