साधुराम खड्काकस्तो हतार ?
नेटमा सबैलाई भेट हुन्छ गन्तव्यमा खोज्दा त्यहाँ कोहि छैन फुर्सद भित्रको बेफुर्सद हो कि खुट्याउने पनि कसैलाई फुर्सद छैन ।
जसलाई भेट्यो हतारै हतार
फुर्सद कसैलाई छैन
केका लागि दौडेको
कुद्नेलाई नै थाहा छैन
बाटोमा, हरठाँउमा कुदेकै छन्
भेट्ने कसलाई कुनै पत्तो छैन
पैसा पद र पावरलाई पछ्याउँछ
खै कसले कहाँ भेट्छ भेउ छैन
कमाउनै परेको छ सबलाई यहाँ
सत्य, असत्यको पर्वाह छैन
हतारै हतारमा कुदिरहेछ दुनियाँ
फर्केर हेर्ने फुर्सद कसैलाई छैन
प्रविधिले फड्को मार्यो भन्छौं हामी
एक आपसमा आत्मीयता छैन
मान्छे एक्लै बस्छ आजकल
भन्छन् ऊ एक्लिएको छैन
नेटमा सबैलाई भेट हुन्छ
गन्तव्यमा खोज्दा त्यहाँ कोहि छैन
फुर्सद भित्रको बेफुर्सद हो कि
खुट्याउने पनि कसैलाई फुर्सद छैन ।
बुढानिलकण्ठ, काठमाडौं
Subscribe
Login
0 Comments
Oldest
