होम सुवेदीधन्य उहाँ
भाव लय र विम्बको कुरा आइहालेमा ती कुरा पछिका लागि भनेर साँचिदिनुहुन्छ, कहिलेकाहीँ त मेरो सौभाग्य हो मेरो भाँचिएको कविता आफैँ लय हालेर बाँचिदिनुहुन्छ ।
धन्य उहाँ
लामो निबन्धका
शब्दशब्द भाँचिदिनुहुन्छ
त्यसैलाई गद्य कविता भनेर
जाँचिदिनु हुन्छ
अझ मैले अक्षरै भाँचेर लेखेँ भने त
खुसीले गदगद हुँदै
क्या भव्य कविता भनेर
नाचिदिनुहुन्छ ।
भाव लय र विम्बको कुरा आइहालेमा
ती कुरा पछिका लागि भनेर
साँचिदिनुहुन्छ,
कहिलेकाहीँ त
मेरो सौभाग्य हो
मेरो भाँचिएको कविता
आफैँ लय हालेर बाँचिदिनुहुन्छ ।
०००
भद्रपुर, झापा
Subscribe
Login
0 Comments
Oldest
