नेपाली हास्यव्यङ्ग्य अनलाइन पत्रिका

ओ… जी, सुन्नु होस् त
न त मैले शहरमा डडेलो लगाएँ
न त बस्ती बस्तीमा खोलो भएर नै पसेँ
न त जनआन्दोलनको नाममा देशमा ब्रम्हलुट नै मच्चाएँ
न त सडकको रातो बत्तीलाई कालो रङ्ग भने
अनि म कसरी क्रान्तिकारी भएँ ?

ओ… जी, सुन्नु भएन ?
अर्थ न बर्थ गोविन्द गाई भन्ने तपाई को हो ?
आखिर म कहिले संवेदनाहीन भएँ
न त कसैबाट दलालीको पदवी पाएँ
न त राजस्वछलीमा अख्तियार धाएँ
न त कसैका मानहानीमा अदालतको तारिख पर्चा बोकेँ
न त देशको भँडारे भएर कहिले भुँडी पल्टाएँ
न त भाइअंश लुकाएर खाएँ
अनि म कसरी क्रान्तिकारी भएँ ?

न त कसैको साँध सिमाना मिचेर खाएँ
न त कहिले अन्याय र अत्यचारको रङ्ग बनेँ
न त समुन्द्रको ठुलो ह्वेलमाछालाई भ्यागुतो भनेँ
देश दुखेको बेला
भोकको रङ्ग कस्तो हुन्छ ?
ओ… जी, सुन्नु भएन
हो त्यही भएर म उत्सर्गको रङ्ग एउटै अकाशमा खोज्दैछु
आखिर म कसरी क्रान्तिकारी भएँ ?

०००
हाल : सिड्नी अस्टेलिया
२०७९ भाद्र १९