नेपाली हास्यव्यङ्ग्य अनलाइन पत्रिका

पार्टीका पद भँजाएर
कहिले बसेँ उसको काँधमा
कहिले बसेँ यसको साँधमा ।

दसै औंला घुसारे मालमा
अब आफूले खान नपाउँदा
लागेका छन् पोइल जाने तालमा ।

कोही बहुलाएका छन् बेतालमा
त कोही बर्बराइरहेका छन्
विकृत राजनीतिको चालमा ।

हरे ! कस्ता सत्ताका सट्टेबाजहरू
रीसले बिस्ट्याउन खोज्दै छन्
त्यही आजीवन खाएको थालमा ।

उभिन नपाउँदा आफ्नो छापमा
अब उनको एउटै सुग्गा रटन-
“लोकतन्त्र पर्दैछ धरापमा ।”

विभिन्न बहाना देखाउँदै
चौका हान्ने मौकाको खोजीमा
पोइल जाने तरखरमा छन् चुपचापमा ।

मच्चिएको छ सबैतिर एउटै किचलो
धत् यो चुनाव आउँदै
“बेमज्जाको- सबैतिर एउटै रोइलो ।”

०००
विराटनगर