भोलानाथ सुबेदीबुद्धि चलाउनु
कसले सुधार्छ व्यवस्था कसले मुसार्छ यो व्यथा । देशले निकास पाउने कहिले आउँछ अवस्था ।
दलदलमा भासिए दल
तान्ने हो अब कसोरी ।
छोडी दे भन्छन् सबैले
छोड्ने हो अब कसरी ।
बाजेको भोट त्यसैमा
बाउको पनि उतै गयो ।
तालु चिन्डै छ हाम्रो
ऊ भने सधैं युवा भयो ।
आमाको फरिया फेर्न
बाउलाई दौरा सुरुवाल ।
मेरो हविगत नादानी
कसरी उकास्ने यो पेट ।
छलेर ढाँटेर ऊ सधैं
जागिरे भो पाँच साल ।
दुःख छ सधैं बस्तीमा
सुख सयल ऊ मस्तीमा ।
कसले सुधार्छ व्यवस्था
कसले मुसार्छ यो व्यथा ।
देशले निकास पाउने
कहिले आउँछ अवस्था ।
आफ्नो मति सुधारी
आफ्नै गतिमा दौडनु ।
जनता हो जनार्दन
बुद्धि राम्रो चलाउनु ।
०००
ओखलढुङ्गा
९८४३०५४१६१
Subscribe
Login
0 Comments
Oldest
