अन्जु शर्माआमा त भिख माग्दै पो रहिछन्… !!
आमालाई पुनः प्रसव पीडाले समाएछ । अतालिएको आमाको भ्रूण नियालेर हेर्दा भ्रूणभित्र नव सामन्त र तानाशाह पो हुर्कदै रहेछन् ।
प्रजातन्त्र र गणतन्त्रको
मधुर सपनामा
राजतन्त्र तुहाएर फाल्दा
आमाको सिंउदो र काख
उजाडिएको थियोे ।
कतकता
आलोघाउ भित्र जिवितै
सामन्तको पगरी
हट्न नपाउँदै
आमालाई पुनः
प्रसव पीडाले समाएछ ।
अतालिएको
आमाको भ्रूण नियालेर हेर्दा
भ्रूणभित्र
नव सामन्त र तानाशाह पो
हुर्कदै रहेछन् ।
कथित व्यथा
सहन नसकेर होला ??
हिजो
भ्रूण हत्याको अपेक्षामा
आमा त सडक किनारमा
भिख माग्दै पो रहिछन् !!
०००
रातोपुल, काठमाडौं
Subscribe
Login
0 Comments
Oldest
