नेपाली हास्यव्यङ्ग्य अनलाइन पत्रिका

दौरा सुरुवालमा ठाँटिएर !
राजकिय सभामा कुम हल्लाएपछि !
उहाँको दश खत माफी भो !

जुवाडेहरूको खालमा पसेर !
सत्ताको जुवा खेल्न थालेपछि !
उहाँले मोक्ष प्राप्त गर्नु भो !

ठग र कपटीहरूको संगत गरेर !
भकारी भर्न सिकेपछि !
उहाँको जीवन धन्य भो !

हारामहरूसँग कुम जोरेर !
हरामको खान थालेपछि !
उहाँले बाजी मार्नु भो !

अर्काको गोडामा उभिएर !
घरमा आगो झोस्न थालेपछि !
उहाँले उन्नतिको ढोका खोल्नु भो !

सत्ताको मदिराले लट्ठिएर !
बेतुकका कुरा गर्ने थालेपछि !
उहाँले चोला फेर्नु भो!

शिरफूल शिरैमा,
के के हुन्छ, हाम्रो नेपालमा !

०००
गोरखा