नेपाली हास्यव्यङ्ग्य अनलाइन पत्रिका

फित्कौली नरनाथ वा नर सखा मुस्कान खेती गरे
साथी हुन् लुइँटेल खेल रसिलो सन्ताप सारा हरे
रम्घामा उहिले भयो मिलन है मज्जा भयो हाँसियो
गाम्नागे बलियो कडा अनुज हो माया उतै गाँसियो

हेटौंडा पहिले मुरारि गुरुजी अर्का थिए रामजी
आहा शाक्य बने भने भुवनले साथी सबै वामजी
साथी भो धनराज सिस्नुजलको पानी बनाए पिए
फित्कौली चटनी अनेक खटनी आफन्त माया दिए

अर्को हो गजुरेल खेल तगडा दाहाल बन्ने सखा
मोदी भो बबुवा मुमा पनि भयो नेपाल भन्ने ल खा
काका मित्र मनोजको नगरमा योगी भयो देखियो
फित्कौली कविता अनेक रमिता आत्मीयता लेखियो

सारा जोकरको कथा गजलमा लेख्ने गिरी गाममा
श्री श्री श्री धरजी ब्रजेश रचना यायावरे नाममा
दाढी अर्जुनको कता विरहमा खड्का मिले आत्तिए
केही मित्रहरू बढी नगदले आनन्दले मात्तिए

मान्छे हो मनराज बाज वनको गोविन्दवादी गुनी
गैंडा हो वनको पवित्र मनको साथी बनायो चुनी
नानी साधक भेटवाल रजनी आख्यान आयो अरे
वाग्देवी हरिजी सखी कलमकी लेखेर खोला तरे !

०००
चितवन