उत्तमकृष्ण मजगैयाँजय अवसरवाद !
उनी तृप्त भई डकार्दा तिमी भोकै बस्न मान्नुपर्छ सधैं होइन, अनुकूलको स्थिति पर्खी बस्नुपर्छ कोमल ठाउँ छामिराख मौकामा छुरी धस्नुपर्छ मनमा नरहोस् कुनै अवसाद जिन्दावाद ! जय अवसरवाद !!
साम्यवाद कि समाजवाद ?
बेकार छ यो वादविवाद
कुनै मरोस् वा होस् बरबाद
बाँचिराखोस् अवसरवाद ।
वेलामौकामा ‘सिल्ली’ लाई
‘हजुर !’ भन्न जान्नुपर्छ
सतहमै फैलेकोलाई
‘गजूर’ भन्न जान्नुपर्छ
यति मात्र होइन, कागलाई पनि
‘मयूर’ भन्न जान्नुपर्छ
छोडिदेऊ मनको साथ
सम्झ एउटै अवसरवाद ।
आफ्नो मनले नमाने पनि
उसको व्याख्या मान्नुपर्छ
आपने हत्यारोलाई पनि
उद्धारक पो ठान्नुपर्छ
जाँडले ‘टुन्न’ भएकोलाई
‘समाज-सुधारक’ भन्नुपर्छ
टपरटुइयाँलाई पनि
‘महान् विचारक’ मान्नुपर्छ
बिर्स शुद्ध मनको संवाद
सम्झिराख अवसरवाद ।
तिम्रो पौरख- उनको भरण
उनको पूणर्िमा- तिम्रो ग्रहण
तिमी शरणागत- उनको शरण
तिम्रा हात- उनका चरण !
बाबु ! मौकामा तिमीले
चिल्लो घस्न जान्नुपर्छ
उनी तृप्त भई डकार्दा
तिमी भोकै बस्न मान्नुपर्छ
सधैं होइन, अनुकूलको
स्थिति पर्खी बस्नुपर्छ
कोमल ठाउँ छामिराख
मौकामा छुरी धस्नुपर्छ
मनमा नरहोस् कुनै अवसाद
जिन्दावाद ! जय अवसरवाद !!
०००
‘जय अवसरवाद’ (२०५४)
Subscribe
Login
0 Comments
Oldest
