नेपाली हास्यव्यङ्ग्य अनलाइन पत्रिका

उत्तमकृष्ण मजगैयाँ :

बर्सेनि सयाैँ बिघा खेत काट्ने नदीमा
याे वर्ष तटबन्ध बन्दै छ,
अझ खुसीकाे कुरा,
याेजनामा परिसक्याे रे –
यस विकट नदीमा
अब पुल पनि बन्दै छ !

घर-घर, छाप्रा-छाप्रामा
बिजुली र धारा पुग्दै छ,
भाेक, राेग र गरीबी अब
पातालभित्रै लुक्दै छ,
हाम्रा दुःखका दिन गए
भरपूर खुसी आउँदै छ साथी हाे !
हाम्राे देश अब छिटै
सिङ्गापुर र स्विट्जरलैण्ड बन्दै छ !

किन ओठ लेप्य्राएकाे ?
विश्वास भएन ?
त्यसाेभए कान थापेर धैर्यसाथ
भीषण भाषणहरू सुन्नुहाेस्
सबै पार्टीका लामा-लामा घाेषणापत्र पनि
एकपल्ट पूरै पढ्नुहाेस् !
चुनाव आउँदै छ हजुर !!

०००
दाङ
(तिमी नरहे देश डुब्न्याछ-२०५६)