उत्तमकृष्ण मजगैयाँपरिहास
तनकै काला मनकै काला इज्जत हर्ने ती गोठाला बन्धु–रक्तका रमिते कृष्ण युद्ध विरोधी उत्तमकृष्ण ! नौनीचोर सधैं अधनङ्ग नित्य जता पनि गर्थे दङ्गा द्वापर युगका ती खलनायक तै पनि सबका पूजालायक !!
उत्तमकृष्ण मजगैयाँ :
मुरली सुन्ने इच्छा तिम्रो
म पनि बजाउन सक्छु राम्रो
भन जप्छ्यौ किन काला कृष्ण ?
छँदैछु सुन्दर उत्तमकृष्ण !
मिराझैँ पछि भागेको किन ?
अप्राप्तिको पछि लागेको किन ?
चित्र–मूर्तिमा अब ती कृष्ण
जिउँदो बरु मै उत्तमकृष्ण !
नित्य हजारौँ गोपिनीसँग
रच्थे जसले लीला–रंग
हरजाई ती नटुवा कृष्ण
एकनिष्ठ मै उत्तमकृष्ण !
तनकै काला मनकै काला
इज्जत हर्ने ती गोठाला
बन्धु–रक्तका रमिते कृष्ण
युद्ध विरोधी उत्तमकृष्ण !
नौनीचोर सधैं अधनङ्गf
नित्य जता पनि गर्थे दङ्गा
द्वापर युगका ती खलनायक
तै पनि सबका पूजालायक !!
०००
दाङ
फित्काैलीमा पहिलाेपटक भदौ ५, २०७१ मा प्रविष्ट भएकाे थियाे ।
Subscribe
Login
0 Comments
Oldest
