होम सुवेदीखेर जाला है
आफ्नै थालमा पार्नलाई कुरा नखिपी हुँदैन ठाउँ ठाउँमा गएर झिँगा नटिपी हुँदैन सम्मान पुरस्कार नछोडौँ कुराले नखिपी हुँदैन हाम्रा बाहेक अर्काले खाला है खेर जाला है ।
पत्रकार आफ्नै छन्
सम्पादक आफ्नै छन्
लेखक आफ्नै छन्
समीक्षक आफ्नै छन्
कता कसले पुरस्कार थापेका छन्
हाम्रा बाहेक अर्काले खाला है
खेर जाला है ।
राजधानीमा बस्नु पर्छ
कम्मर कस्नु पर्छ
अर्कालाई डस्नु पर्छ
साधु हुँदा आउँछ भने
खरानी घस्नु पर्छ
घुँडा धस्नु पर्छ
किमार्थ अन्त जानु हुँदैन
पुरस्कार हाम्रै मान्छेको झोलामा फस्नु पर्छ
हाम्रा बाहेक अर्काले खाला है
खेर जाला है ।
निणर्ायक आफ्नै पार्नु छ
यताको उता सार्नु छ
पुरस्कारको फल झार्नु छ
उताको यता सार्नु छ
चारै नीति लाएर
पुरस्कार हात पार्नु छ
हाम्रा बाहेक अर्काले खाला है
खेर जाला है ।
आफ्नै थालमा पार्नलाई
कुरा नखिपी हुँदैन
ठाउँ ठाउँमा गएर
झिँगा नटिपी हुँदैन
सम्मान पुरस्कार नछोडौँ
कुराले नखिपी हुँदैन
हाम्रा बाहेक अर्काले खाला है
खेर जाला है ।
०००
भद्रपुर, झापा
Subscribe
Login
0 Comments
Oldest
