सुभाषचन्द्र देवकाेटाजनता किन सधैँ हार्ने ?
भोट दिएर जिताउँदा नि हार्छौं ! भोट नदिएर हराउँदा नि हार्छौं ! आन्दोलनमा जितेर नि हार्छौ ! आखिर किन ? हामी जनता ! नेताको खुसीमा हार्छौं ! नेताको जीतमा हार्छौं ! सधैँ हार्छौं !
तिम्रो लागि हरेक दिन
जीतको उत्सव छ !
तर, हामी हरेक दिन
हारेका छौँ !
मरेर बाँचेका छौँ !
घरमा चुलो बाल्न नसक्दा नि हार्छौं !
अस्पताल नदेखेरै मर्नुपर्दा नि हार्छौं !
बन्द बाकसमा छोरा छोरीहरू स्वदेश भित्रिदा नि हार्छौं !
तिम्रा लागि त हरेक दिन,
जीतको तमासा छ !
तर, हामी हरेक दिन
हारेका छौँ !
आँसु पिएर बाँचेका छौँ !
गाउँ बेसीको बाटो पैह्रिदा नि हार्छौं !
स्कुल भत्किएर लड्दा नि हार्छौं !
खेतको कुलामा पानी नबग्दा नि हार्छौं !
खोला थुनिएर गाउँ बगाउँदा नि हार्छौं !
ऋण तिर्न नसकेर मर्नु पर्दा नि हार्छौं !
तिम्रा अनुहारमा हरेक दिन,
विजयको मुस्कान छ !
तर हामी हरेक दिन
हारेका छौँ !
पीडामा बाँचेका छौँ !
भोट दिएर जिताउँदा नि हार्छौं !
भोट नदिएर हराउँदा नि हार्छौं !
आन्दोलनमा जितेर नि हार्छौ !
आखिर किन ?
हामी जनता !
नेताको खुसीमा हार्छौं !
नेताको जीतमा हार्छौं !
सधैँ हार्छौं !
०००
गोरखा
