नेपाली हास्यव्यङ्ग्य अनलाइन पत्रिका

कसैले हिटलर भनेका छन्
कसैले जङ्ग भनेका छन्
कसैले मोदीसँग त
कसैले ‘रअ’ सँग भनेका छन्
कसैले ‘रअ’ कै आदेशमा
गरेको हो संसद भङ्ग भनेका छन्
कसैले बढी जान्ने भयो भनेका छन्
कसैले नभएको ढङ्ग भनेका छन्
कसैले उसको लामो योजना छ
संविधान र धर्म निरपेक्षता
विदेशीकै ईशारामा नाच्दै
छेपाराले फेर्दाझैं फेरेको छ रङ्ग भनेका छन्
कसैले भारतिय दलाल हो यो
उनीहरूकै एउटा अङ्ग भनेका छन्
रोम जलिरहेछ निरो बाँसुरी बजाइरहेछ
महाराज त महाराजै हो नाङ्गो भए पनि
आखिर नाङ्गै भए पनि महाराजलाई
दौरासुरुवाल कस्तो सुहाएको भनेका छन्
बबुरो बनेका छन् जसले
महाराज त नङ्गा भनेका छन्
कसैले योसँग नसकिने रहेछ
योसँग नलिनु पङ्गा भनेका छन्
जसले जे भने पनि मलाई ठूलो बनाएका छन्
अनि मलाई पनि ठूलो भएँ भन्ने लागिरहेछ
त्यसैले वाह म ! वाह म !! वाह म !!!

०००
गोरखा