नेपाली हास्यव्यङ्ग्य अनलाइन पत्रिका

पदम भण्डारी :

ऊ भूमिगत बन्यो, समयले बादल बन्यो
संगत बदलिँदा ऊ आफैं पागल बन्यो ।१।

वल्ला घर रहँदा ऊ, बाँसुरी बजाउँथ्यो
पल्ला घर सरेपछि ऊ, मादल बन्यो ।२।

उसका हरेक शब्द शब्द, संगीत थियो
अर्थ हराएपछि काम नलाग्ने, कागज बन्यो ।३।

हिजोसम्म उज्यालो बाँड्ने, दीप थियो
आज आफ्नै बुद्धिले धमिलो, जल बन्यो ।४।

छायाँसँग डराउन थालेपछि, एकाएक
साहसी हृदय पनि कायर, बल बन्यो ।५।

साँचो बोली बोल्न छोड्यो, अनि उसले
झूट सिकेपछि बल्ल ऊ, सफल बन्यो ।६।

कर्तुत छोप्न नक्कलीलाई, पछ्याउँदा
सबै सकियो टुकुचाको, ढल बन्यो ।८।

इमान बेचेर नाङ्लोमा, पसल थापेपछि
ऊ मान्छे रहेन केवल, दल बन्यो ।७।

०००
चितवन